CENTRO  CONCERTADO

                        DE  CALIDADE

MONTERREY

C/ Montecelo  Alto, 41 (a 1 minuto

  do  Centro Comercial Travesía)

    VIGO  Tlf-fax: 986 272 047

COLEXIO

Somos un grupo de profesionais, que aúnan xuventude e experiencia, coa motivación e preocupación constante polo alumnado. Todos eles comprometidos coa implantación dun sistema de Calidade aplicado á ensinanza coa que se pretende mellorar os métodos educativos, unha mellor relación coas familias e lograr que a tarefa educativa sexa unha prolongación desde o colexio ata o fogar.

 

Queremos que a sociedade nos perciba como un centro moderno, innovador e cunha atención persoal de calidade

 

No noso traballo diario, comprometémonos a CULTIVAR os seguintes valores:

 

¨    Liberdade e responsabilidade

¨    Convivencia democrática

¨    Respecto

¨    Esforzo

¨    Búsqueda da verdade

* Ensinar os alumnos a aprender a aprender e a pensar é o obxectivo principal.

 

* A formación personalizada, que propicie unha educación integral en coñecementos, destrezas e valores morais dos alumnos en todos os ámbitos da vida: persoal, familiar, social e profesional.

 

* A metodoloxía activa que asegure a participación do alumnado nos procesos de ensino aprendizaxe.

 

* A consideración da atención á diversidade mediante o plan e apoio aos alumnos con dificultades na aprendizaxe, ademáis das actuacións dirixidas aos alumnos con necesidades educativas especiais.

 

* A atención psicopedagóxica e a orientación educativa e profesional.

 

* A participación e colaboración dos pais ou titores para contribuír á mellor consecución dos obxectivos educativos.

 

* O desenvolvemento das capacidades creativas e do espírito crítico.

 

* O fomento dos hábitos de comportamento democrático.

 

* O traballo de forma coordinada e coherente no tema das relacións interpersoais e da disciplina a nivel do Centro e da Comunidade Educativa

 

* A mellora das relacións interpersoais entre tódolos membros da comunidade educativa

 

* A relación co ámbito social, económico e cultural.

 

* A formación no respecto e defensa do medio ambiente

 

* A formación de hábitos saudables e coidados necesarios que axuden a manter o corpo sa e en boa calidade de vida

 

* A formación no respecto ao bilingüismo

 

* Fomento na animación á lectura

 

* Fomento do uso das novas tecnoloxías

 

* Desenvolvemento dunha ensinanza de calidade coidando a formación permanente e actualización do profesorado, seguindo o modelo  calidade europea.

 

A normativa disciplinar achega esixencias por parte dos profesores e dos alumnos.

 

Por parte dos profesores poderiamos enumerar as seguintes: relacións mutuas de axuda entre profesor e alumno, dar confianza para expoñer dúbidas, eliminar tensións, comunicación e respecto mutuo.

 

Por parte dos alumnos: facer bo uso do edificio, material e mobiliario do Centro; o respecto ás Persoas da Comunidade Educativa dentro e fóra do Centro; o vocabulario debe ser correcto e educado; conduta solidaria cos compañeiros; puntualidade e asistencia regular.

 

Os obxectivos que se pretenden coas Regras de Disciplina do Centro son os seguintes:

 

      -Contribuír á formación na responsabilidade dos alumnos.

 

      -Proporcionar hábitos de puntualidade, corrección e respecto.

 

      -Lograr a orde necesaria para desenvolver o traballo escolar con eficacia

 

      -Lograr que as relacións entre tódolos membros da comunidade escolar sexan próximas e repectuosas

Os obxectivos para que os pais e nais ou titores participen e apoien a evolución do proceso educativo dos seus fillos, coñezan as decisións relativas á avaliación e promoción e colaboren nas medidas de apoio ou reforzo que adopten os centros educativos para facilitar o seu progreso educativo son os seguintes:

 

1.-Atender ás citacións do centro

 

2-Non visitar ao alumnado durante as horas de clase ou recreo, sen causa xustificada

 

3.-Coñecer o regulamento de Réxime Interno

 

4.-Non desautorizar ao profesor en presencia dos seus fillos senón escoitalos e confrontar as versións. É importante que os pais valoren ao profesor.

 

5.-Facilitar aos seus fillos  cantos medios sexan precisos para levar a cabo as actividades e tarefas que lles indique o  profesor

 

6.-Participar voluntariamente co profesorado na programación daquelas actividades para as que se solicite a súa  axuda. Por exemplo: excursións, actividades complementarias, etc. que forman parte da programación e polo tanto, son obrigatorias

 

7.-Consultar co titor cualquera dúbida que poidan ter no horario de tutoría.

 

8.-Facilitar o cumprimento das obrigas dos seus fillos  respecto ao centro: puntualidade, orde, aseo, vestimenta, etc

 

9.-Estimular aos seus fillos no respecto ás normas de convivencia do Centro como elemento que contribúe a súa formación sendo consecuentes coas sancións ás normas dos alumnos.